Club de lectura Monte Alto de las Bibliotecas Municipales de A Coruña

Emma Pedreira — Sat, 07 Nov 2009 09:40:34 +0000

Á maneira de Pennac, a xente do Club de Lectura fixo os seus propios mandamentos, ou credos, á hora de ler. É difícil resumilos en pequenas frases, porque algúns aproveitaron o exercizo proposto para escribir pequenas experiencias que quixeron compartir:

-Levo pouco tempo lendo e preciso de libros amenos, ler todos os días e tranquilidade para facelo (Celia)
-Acción dentro dos libros (Irene)
-Leo todos os días os titulares dos xornáis. O día que non o fago, fáltame algo(Marta)
-Ler todos os días, e sempre en silencio, centrándose no texto (Pilar F.)
-O que me gusta sempre o comparto ate ficar espida. Incluso regalaría o libro ate atopar outro interesante (Carmen S.)
-Ler para aprender a coñecer e saber . Suliñar as frases interesantes no libro, anotándoas para non esquecelas. Non romper nin queimar os libros porque son un compendio da nosa personalidade (Vicente)
-Ter boa disposición para ler e non reler. Ler á noite, ao deitarse.(Carmen F.)
-Ler forma parte da miña imaginación. É unha maneira de coñecer outros mundos, vivir outras vidas, sentir outras vivencias, viaxar a outros espazos e evadirse da rotina diaria (Gloria)
-Aprendín a ler con dez anos; meu irmán, catro anos maior, negábase a lerme e eu suplicáballe…Cando aprendín, podo aseguran que poucos días da miña vida deixei de ler (Francisca)
-Podo pasar toda a tarde lendo; teño unha pequena biblioteca da que algúns libros non chegarei a lelos nunca. Outros reléoos compulsivamente (Victoria)
-Dereito a ler todo o que queiras, sen censura. Dereito a que ninguén me diga o que teño que ler, quero sabelo todo. Quen non colleu nunca un libro nas súas mans, non chegará a ser completo como persoa (Pilar)
-Disfruto moito escoitando a alguén explicando un libro. Gústame gardar todos os libros(Olga)
-Considera o libro como un dos teus mellares amigos, nunca te traizoará. Agárdate cando estás con outros amigos, nunca se molesta se o deixas sen rematar. Alégrate nos momentos tristes, acompáñate en momentos de soidade, descúbrete novos países e culturas (Rosa)
-De toda lectura rescato sempre algún coñecemento que amplíe o meu xeito de ver o mundo
Os mandamentos ponos cada ser humano, esa coido que é a maior libertade que ten o ser. (María Jesús)

-Ler precisa de lapis e papel. A estrutura narrativa é tan importante ou máis ca historia. Resulta frustrante que haxa tanto lector de masas e tan poucos de literatura de minorías (paradoxa?) (Marisa)

Los libros son como manos que acarician el alma
En los libros se transcribe la vida
En los libros se abre lo íntimo
Rey de la cultura, el libro
(Maica)

achegARTE: festival da cultura galega

Antonio — Tue, 03 Nov 2009 18:39:02 +0000

O vindeiro 28 e 29 de Novembro xuntarémonos en Palexco para “mimar” a nosa cultura. A cultura que facemos, e a que queremos terá o seu escaparate, o seu lugar.

Unha fin de semana adicada á cultura galega: ás palabras, á música, ás artes escénicas, á danza, ao cinema, aos libros…

AcheGarte será o espazo para mimar a cultura galega. Pretende ser unha festa/feira onde teñan cabida as artes escénicas, as novas tecnoloxías, o audiovisual, o libro, a música… En AcheGarte estarán presentes con stand propio máis de 60 empresas, asociacións profesionais e institucións que impulsan a creación cultural en Galicia nos diferentes sectores presentes na Feira:

.: Sector do libro

.: Artes escénicas

.: Novas tecnoloxías

.: Audiovisual galego

.: Danza

.: Música

.: Animación

.: Artes plásticas

Se queres podes colaborar coas túas creacións ou coa organización. Toda a info en http://acorunacultura.org

Se xa sabes en que podes ou queres colaborar, podes escribir un correo directamente á Concellaría de Cultura, ao enderezo: cultura@coruna.es

El palacio de los ingenieros belgas, de Fulgencio Argüelles

Emma Pedreira — Tue, 20 Oct 2009 08:10:31 +0000

Abrimos a temporada do Clube con a obra "El palacio de los ingenieros belgas", de Fulgencio Argüelles, obra galardonada co Premio de Novela Café Gijón 2003:

Un día de septiembre de 1927, Nalo entró a trabajar en el palacio azul de los ingenieros belgas como aprendiz de jardinero. Las primaveras y las revoluciones llegaron al palacio antes que a ningún otro lugar e iniciaron al joven en la amistad y el amor, en la comprensión y el análisis. Fulgencio Argüelles, a través de un narrador certero que observa con ternura, nos acerca a los avatares personales e históricos de quienes vivieron y trabajaron en el palacio azul, y conforma un mundo particular que trasciende a lo universal, pues, como apuntó Eugenio d’Ors, «el alma popular es en todas partes la misma». Fulgencio Argüelles nació en 1955. Después de una larga estancia en Madrid, donde estudió Psicología, regresó a Asturias a vivir en Cenera, el lugar de su infancia y juventud. Su primera novela, Letanías de lluvia , recibió el Azorín en 1992. En 1995 colaboró en la selección Cuentos de fútbol . En 1996 publicó Los clamores de la tierra y en 1998 el libro de relatos Del color de la nada . Su novela Recuerdos de algún vivir mereció en el año 2000 el Premio Principado de Asturias. El palacio azul de los ingenieros belgas es su cuarta novela.

Mentres esperamos aos primeiros comentarios sobre a obra non vos perdades unha estrevista có autor onde éste fala da súa relación coa lectura e a escritura.

Comeza de novo a actividade no clube de lectura de Monte Alto: a lectura, un pracer solitario ou non

Emma Pedreira — Wed, 14 Oct 2009 07:33:01 +0000

Disfrutar duns zapatos novos e sufrir o seu dano ou a súa incrible altura, saborear un bombón, unha cunca de viño, entender unha mensaxe diabólica nunha lingua estraña nunha canción hipercoñecida, o tacto suave das sabas recén cambiadas á hora de deitarse…
Só cada un pode enumerar –e atopar- entre as máis variopintas sensacións, aquelas cousas que lle dan un pracer egoísta, autónomo, autoxestionable, algo que é incapaz de explicar aos demais aportando todos os detalles que percibe a través dos seus propios sentidos.
A lectura, moitas veces consignada dentro destos placeras –ou vizos- solitarios, é tratada inxustamente cando se leva ao eido do illamento e a introspección. É marabilloso caer dentro dun libro, ficar atrapado entre as súas páxinas como a flor seca de hai varios veráns, a carta esquecida dalguén querido, pero, e o pracer do encontro, a expurgación, a posta en común, a dúbida, a lembranza compartida…?
Ler un libro so só é comparable a ir ao cine so; no intre de pechar a última páxina, de ler o derradeiro fotograma, o mundo que se despintou por unhas poucas horas vólvese redebuxar, un vístese de rotina e sae é rúa, volve á súa vida e mantén en silencio o visto ou lido até a próxima. Mentres que o mellor dunha películo é case o coloquio de despois, o mesmo que ao saborear por separado os ingredientes dun bo prato en contacto coa lingua, o libro, a lectura, vizo discreto e moderado, debería ser esmiuzado despiadadamente, deixando á vista todos os compoñentes, artiluxios e trucos empregados na súa preparación, as rectificacións de sal, as receitas seguidas.
A lectura debería ter o punto xusto entre a instrospección e a intromisión. O primeiro graco correspondería a buscar o lugar perfecto para levar a cabo a parte íntima, a solitaria, a calada e egoísta lectura que busca isolamente e contención, silencio e claridade, comodidade e tempo e, por outra banda, a saída ao mundo, o encontro, a parte multitudinaria e poliédrica onde a peza única esgaza en outras moitas e rompe, racha, desmóntase e se esboroa. Dereito do lector o de ler e obriga a de partillar, o crear accesos a obras inasibles, ou despistadas, esgrevias ou agochadas.
O ágora que significa un clube de lectura é a praza pública da palabra, o mercado das ideas, un bule bule constante de bocas e oídos que vai desde o primeiro ao segundo punto e pasa por outros moitos que xorden entre os praceres propios de cada lector. Os puntos de vista enriquecen o lector, a lectura e o libro e así sáese da figura do cazador para chegar á do sibarita. O primeiro apreixa o fácil, o accesible, o best-seller, o recomendado, o libro de primeira liña adquirido case que a granel. O sibarita ten o gusto e o tacto do arqueólogo-buscador: intúe, excava, recupera e despois disfruta gorentosamente.

Un listado provisional dos dereitos do lector, formulábao o escritor francés Daniel Pennac en Como una novela (1992):

“En materia de lectura, nós «lectores» permitímonos todos os dereitos, comezando por aqueles que negamos aos novos aos que pretendemos iniciar na lectura:

O dereito a non ler.
O dereito a saltar páxinas.
O dereito a non rematar un libro.
O dereito a reler.
O dereito a ler calquera cousa.
O dereito ao bovarismo(*).
O dereito a ler en calquera sitio.
8. O dereito a follear.
9. O dereito a ler en voz alta.
10. O dereito a calar.

(*) Doenza de transmisión textual. " (Termo derivado do personaxe protagonista de Madame Bovary de Flaubert)

María Reimóndez gaña o Premio Plácido Castro de Traducción

Berta — Mon, 05 Oct 2009 10:40:31 +0000

A escritora María Reimóndez alzouse como gañadora do VIII Premio Plácido Castro de Traducción en Lingua Galega pola súa obra "Mary Prince, unha das escravas das indias occidentais". O fallo do xurado foi unánime e coincidiron na opinión da obra que a calificaron como "un texto fundamental na loita pola abolición da escravitude no mundo".
María Reimóndez Meilán naceu en Lugo e é tradutora e intéprete de profesión. O seu primeiro libro publicado é Moda Galega (Edicións Positivas, 2002) e no ano 2003 recibiu o premio de novela Mulleres Progresistas de Vigo con O Caderno de Bitácora (Edicións Positivas 2004).
Malia a esta incursión recente no panorama literario, María Reimóndez leva escribindo desde que tiña 6 anos, recibiu premios durante a súa mocidade (Rúa Nova, Minerva), é autora de varias obras de teatro e participou en distintos recitais poéticos.

María Reimóndez leva traballando en cooperación desde o ano 1994.Despois de novas visitas funda a Organización Non Gobernamental de Cooperación ao Desenvolvemento IMPLICADAS/OS NO DESENVOLVEMENTO que leva traballando na India desde o ano 1998 e desde 2003 en Etiopía en proxectos de desenvolvemento integral cun claro compromiso pola superación da discriminación de xénero como base do desenvolvemento perdurable.

Nas Bibliotecas Municipais podedes encontrar entre outras as seguintes obras:

Moda galega / María Reimóndez
Mitos e lendas hindús / traducción, introducción e selección, María Reimóndez
O caderno de Bitácora : aventuras espaciais / María Reimóndez
Usha / María Reimondez
O club da calceta / María Reimóndez
O can trampulleiro : comarca do Salnés / María Reimóndez
Colegas do futuro : comarca de Ortegal / María Reimóndez
Lía e as zapatillas de deporte / María Reimóndez

Morre Antonio López Lamadrid, copropietario de Tusquets

Berta — Thu, 24 Sep 2009 08:48:34 +0000

López Lamadrid naceu en San Sebastián en 1938, onde estudiou Químicas. Ata 1975 dedicouse ós negocios textís familiares, en 1970 e 1971 fundou dúas sociedades industriais.

Antonio López Lamadrid era considerado un dos editores máis influíntes do panorama nacional e coa súa dona Beatriz de Moura coodirixía a editorial. Incorporouse a Tusquets en 1977 que xa dirixía a sua muller tras fundala co seu primer home, Óscar Tusquets.

Dende entón ata a actualidade, ambos levaron o selo que publicaron a autores coma Duras, Kundera, Fernando Aramburu, Luis Sepúlveda, Javier Cercas, Luis Landero. A editorial Tusquets creou fai 22 anos o premio Comillas de Biografía, que tivo a José Lázaro como último gañador pola obra "Vias y muertes de Luis Martín Santos". Outros premios da editorial son os xa populares "La sonrisa vertical", de literatura erótica e o "Premio de Novela.

La Isla Bajo el Mar

Antonio — Fri, 18 Sep 2009 09:58:33 +0000

Nas Bibliotecas Municipais da Coruña xa temos dispoñible a nova obra de Isabel Allende, La isla bajo el mar.

Para a súa enésima novela elixiu un tema de penosa actualidade. «Hoxe en día hai 27 millóns de escravos en todo o mundo, desde nenos soldados en África a nenas recluídas en prostíbulos de Camboia», recorda a escritora, obsesionada desde sempre co desexo de liberdade, de independencia. «Eu nacín nos corenta, no seo dunha familia conservadora, católica e moi patriarcal, nunha época en que as mulleres aínda tiñan un horizonte moi limitado», apunta a autora de «A casa dos espíritos», título que a levou á cúspide dos narradores latinoamericanos e que a converteu nunha das novelistas máis populares do noso tempo.

A protagonista de «La isla bajo el mar» é a ollos da súa autora unha heroína. «Zarité loitou para tomar as rendas da súa vida; dende pequena sempre se rebelou. Pero cando ten que elixir entre a liberdade ou os nenos, elixe o segundo. Hai moito de heroicismo no seu personaxe, pois ela sabe que hai cousas máis importantes que a liberdade persoal». Porque para Allende, o heroe non é só aquel que consegue «a súa transformación persoal, senón tamén a transformación da súa contorna».

Outras obras de Isabel Allende nas Bibliotecas Municipais:

De amor y de sombra
La casa de los espíritus
El plan infinito
Paula
De amor y de sombra
Afrodita : cuentos, recetas y otros afrodisíacos
El plan infinito
Hija de la fortuna
Cuentos de Eva Luna
Retrato en sepia
Hija de la fortuna
La ciudad de las bestias
Mi país inventado
Inés del alma mía
El Zorro : comienza la leyenda
El bosque de los pigmeos
El reino del dragón de oro

Curtas na praza de Azcárraga todos os venres de setembro

Antonio — Wed, 02 Sep 2009 12:31:52 +0000

A Concellaría de Cultura organiza sesión de curtas durante todos os venres do mes de setembro que serán proxectadas na praza de Azcárraga e que se inclúen no OFestivalOn five’ que arrancará o vindeiro 4 de setembro ás 22.30h.

As curtas que se proxectarán ao longo do mes serán as seguintes:

Venres 4 de setembro:

Pánico a una muerte ridícula- Rubén Stein. Ficción
No corras tanto- César Díaz Melendez. Animación
Ferro ardendo- Miguel García Fernández
Cestla Vie- Young gyu Lee. Animación
Cores- Jairo Iglesias. Ficción
Mariñeiros- Omar Rabuñal. Ficción
La sortie- Jesús Domínguez Sánchez. Documental
O raio transparente- Pancho Lapeña. Animación

Venres, 11 de setembro:

The Wereping- Sam Orti Marti. Animación
Niño Balcón- Pilar Palomero. Ficción
Tan preto e tan lonxe- Isabel Rey Fernández. Documental
Socarrat- David Montero. Ficción
En la otra camilla- Luis Melgar. Ficción
In the name of God- Julia Geker. Animación
El encargado- Sergio Barrejón. Ficción
Campás- Jairo Iglesias. Ficción

Venres, 18 de setembro:

0,8 Miligramos- Imanol Ruíz de Lara. Ficción
Continuará- Esther Fernández Carrodeaugas. Animación
Túneles en el río- Augusta Zourelidi. Animación
Funners- Marc Reixach. Ficción
On the line- Jon Garaño. Ficción
Poder ser- Carlos Seijo. Ficción
Marruecos, un viaje de colores-Álvaro Sanz Alonso

Venres, 25 de setembro:

El ministerio del pez- Giovanni Maccelli. Animación
Muto- Blu. Animación
La chica dentro de la caja- Matt Dickinson. Documental
Micntc- Isabel de o Campo. Ficción
Vellas- Carlos Prado Pampín. Ficción
Mei Ling- Stepahnie Lansagne & Francois Leroy. Animación
Stikk- Vifidis Nielsen. Ficción
No se preocupe- Eva Ungría. Ficción

Todas as proxeccións terán lugar na praza de Azcárraga ás 22:30 horas.

Gustame ler, ¿e a ti?

Catuxa Seoane — Mon, 22 Jun 2009 07:32:52 +0000

Video promocional e animacion lectora de Random House Mondadori

Vía Trafegando Ronseis.

Roteiro literario da Esmorga

Antonio — Fri, 22 May 2009 11:30:58 +0000

Despois da Lectura da Esmorga de Eduardo Blanco Amor, para festexar este ano os seus 50 anos de vida. Ímonos facer o roteiro literario a Ourense. A historia e a propia fisionomía da cidade cambiaron dende que Blanco Amor a escribiu en 1959, pero segue sendo posible revivir, aínda que a distancia do tempo, a ruta dos seus personaxes, dende a Avenida de Zamora ata a Alameda, pasando pola tranquilidade das estreitas rúas do casco histórico., xa non é o Ourense da posguerra, pero ‘A Esmorga’ segue tan viva como antes.

¡Apúntate!

Saída o martes 26 de maio as 9:30 dende o Forum Metropolitano.

Máis información na Biblioteca do Forum.